Nächste Anlässe
Samstag 22. November 2025 18.30 Uhr Absenden im Schützenhaus >>> nur mit Anmeldung bis 14. November 2025
Samstag 10. Januar 2025 Schneetag >>> Bitte anmelden bis 22. November 2025
Gemeinsames Gewehrputzen
Mir händ das Johr wieder ä Gwehrputzete duregführt.
Herzliche Dank üsne Vorständer, wo mit Rat und Tat zur Site gstande sind! 🙂
Natürli simer dänn au nochli zämä ghöckled, händ ä Pizza gässe und gfachsimpled. 
Endschiessen
Und scho ischs verbi, s Endschüsse… Mir händ uuu Freud, das über 60 Schütze und Schützinne gschosse und üs bsuecht händ! 🙂 :-):-)
D Ranglischte wärdet natürli erscht am Absende am 22. November veröffentlicht… 😉 Do müender nochli Geduld ha!
Also vergässed nid, Eui bis am 14. November fürs Absende azmelde! 😉
Dänn chunt au us, wär d Johresmeisterschafte gunne hät! 🙂
Bündnertour
Mir sind wieder uf d Bündnertour gange mit zwei Grüppli. Wunderschööön hämers gha! 🙂
Uf äm Heiwäg simer no ds Bäretswil verbi, gu di neu Vereinsfahne begrüesse. Än wunderbare Abschluss vo däne zwei Täg isch das gsi. 🙂
Mit äre grosse Usbüti und vorallem ganz viel Freud im Herz simer dänn wieder guet dihei achu. Das wird wiederholt! Kei Frog!
Schweizer Gruppenmeisterschaftsfinal JS und U21/E+ in Emmen
Am OJGM Final in Schaffhuse ischs üsne JS nid so guet gloffe, wiä sie s gern gha hetted und au am Schwizer GM Final in Emmen häts nid rächt welä;
Sie händ sich im Mittelfeld klassiert. Ä gueti Erfahrig isch aber uf jedä Fall gsi!
Am Nomittag häts dafür so richtig passt! S Grüppli U21/E+ hät abglieferet und d Bronzemedaille gunne!!!
Herzlichi Gratulation äm Kurt Büchi, Christian Manz, Jérémie Bosshard und Nuri Rey zu däm Erfolg! 🙂
Kant. Einzelmeisterschaft JJ/JS in Thayngen
Noch ämene sehr spannende Shoot Out händ sich dä Cedric Hoch bi dä JJ und dä Jérémie Bosshard bi dä Jungschütze chöne über di beidä Sieg freue! 🙂
Au dä Remo Busenhart hät sehr guet gschosse und i dä Vorrundi sogar gführt bi dä JJ!
Ranglisten und Medienbericht SHKSV
Final Kantonalcup in Thayngen
Grad zwei Sieger händ mir dörfe fiire!
Dä Christian Manz i dä Kat. 57-03 und dä Daniel Würsten i dä Kat. Ordonnanz! 🙂
1. Ballerinaschiessen in Volken
Dä MSV Volken hät im Auguscht zum 1. Ballerinaschüsse iglade.
Au Dank dä Hilf vo üsne Betreuer Kurt und Peter bim Schiebä und erkläre, wo dä Schuss isch; z Volke wird ebä no vo Hand zeiged ;-), händ üsi Fraue abgruumed! 🙂
Kat A (mit Lizenz): 2. Jeanette Studer
Kat B (ohni Lizenz): 1. Petra Buchs 2. Elisabeth Bandelli 3. Sandra Zwahlen
Prima-Ballerina (Tagessiegerin) isch d Petra Buchs worde! 🙂
Ranglisten 1. Ballerinaschiessen
Eifach suuuper händ Ihr das gmacht! 🙂
Mir hoffed fescht, d Volkemer bhaltet dä Alass, inspiriert vom Zürcher Unterländer Wyberschüsse, bi.
Zürcher Kantonalschützenfest
Mit dä stolze Teilnehmerzahl vo 29 Schütze hämer am Zürcher Kantonalschützefäscht teilgnu. 🙂
D Meischterschafte hämer vorus in Trüllikon gschosse, alli zämä simer dänn än ganze Suntig lang vo dä Flaacher Schütze verwöhnt worde. 🙂
Mit äm Verein dörfemer dä 2. Rang vo 117 Vereine i dä Vereinskonkurrenz, mit ämne sehr guete Total vo 94.572 Punkt, fiire!!! 🙂
Dä Christian Manz und üsi beidä Jungschütze Jérémie Bosshard und Nuri Rey händ dänn sogar am spannende Festsiegerusstich im Ohrbüel in Winterthur dörfe teilni. Guet händs das gmacht! Dä Jérémie isch 3. , dä Nuri 4. und dä Higi 9. worde. 🙂
Resultate SVR ZKSF 2025
Resultatportal – ZKSF 2025
Äs git scho no paar Glanzresultat z erwähne und fürezhebe:
Vereinsstich Kat E: 1. Jérémie Bosshard mit 97 Pkt.
Kranzstich Kat. Sport: 1. Michael Rey mit 60 Pkt.
Nachwuchsstich Ordonnanz: 1. Jérémie Bosshard mit 77 Pkt. 4. Nuri Rey mit 76 Pkt.
Meisterschaft liegend Kat D: 4. Christian Manz mit 570 Pkt.
Festsiegerkonkurrenz Kat. D: 5. Christian Manz
Festsiegerkonkurrenz Ordonnanz Nachwuchs: 1. Jérémie Bosshard 3. Nuri Rey
🙂 Herzlichi Gratulation! 🙂
Wettschiessen JS/JJ Reiat/Stadt/Stein am Rhein in Rüdlingen
Üsi drü JJ händ, wiä letscht Johr, gunne und d Hellebarde dörfe bhalte! 🙂
Dä Cedi isch mit 89 Punkt dä Beschti JJ gsi, dä Remo uf äm 3. Rang. 🙂
Üsne JS häts leider nid ganz glanged, sie sind 2. worde.
Dä Jérémie isch 3. bi dä JS worde.
D Fäschtwirtschaft händs alli zämä top gführt! 🙂
Eidgenössisches Schützenfest der Jugend im Chablais
Mir sind mit 5 vo üsne Jungschütze as eidgenössische Schützefäscht vo dä Jugend is Chablais uf Saint-Triphon greist.
Dä Jungschützechef vom SHKSV, dä Dani Zweifel, hät diä Reis mit äm Car organisiert.
Trotz schwierige, will wechselnde Liechtverhältnis, händ üsi 5 Jungschütze än Chranz dörfe heini. Herzlichi Gratulation! 🙂
Äm Jérémie ischs am Beschtä gloffe, är hät im Vereinsstich mit 94 Punkt dä 9. Rang vo 1622 Jungschütze erreicht! Bravo! 🙂
Pfused hämer «gmüetlich» i dä Zivilschutzalag in Troistorrents und am Suntig hämer dänn uf dä Heifahrt no än Usflug uf dä Berner Huusberg, dä Gurten, gmacht. Ganz äs lässigs Wuchenänd isch das gsi! 🙂
Ä Wuche spöter isch dänn nochli Ufregig ufchu! Dä Jérémie hät sich für Fäschtsiegerusstich i dä Kategorie U21/U19 qualifiziert!
Dä Higi hät mit ihm nomol die langi Fahrt bis an Genfersee abe gmacht. Mir händ ihm vo di Hei us fescht d Dume druckt und sind stolz, das er dä 10.-ti Rang erreicht hät! Bravo!!! 🙂
Zürcher Unterländer Wyberschüsse in Weiach
Mit 19 Fraue sind mir am Vorschüsse gstartet und scho mol schön verhöckled! D Goldmedaille hät mer wunderbar am Sternehimmel chöne gseh! 🙂
Am Hauptschüsse hät dänn d Janet Sissons üses 4. Grüppli no komplementiert und mit 30 Punkt dörfe am Usstich teilni!
Sie hät nomol 30 Punkt gschosse und schlussendlich souverän dä Sieg i dä Kat. A erreicht! Herzlichi Gratulation! 🙂
Mir händ dänn au no dä Pris für di gröscht Teilnehmerzahl dörfe heini. 🙂 Eifach schön ischs wieder gsi! 🙂
Do dä Link zu dä Ranglischte und witere Infos: Website Wyberschüsse
üsi Erfolge Früehlig bis Juli
Schwabenkrieg-Erinnerungsschiessen Hallau: 3. alle Vereine, 1. Vereinsstich Kat. 2
Gwaaggeschüsse Beringen: 1. Vereinsstich Kat. 2 2. Grüppli Drey (Jung und Alt)
Spargelschiessen Ramsen: 1. Doris Rey im Uszahler
Rheinfallschiessen Neuhausen: 2. alle Vereine
A. Meierhofer Schiessen Weiach: 3. alle Vereine 2. Grüppli Iisvögel Kat. D
Jubiläumsschiessen Altdorf-Opfertshofen: 1. alle Vereine 2. Grüppli Drey (Jung und Alt) 1. Martin Matzinger im Jubi-Stich 4. Christian Manz im Uszahler
Reiat Wanderbecherschiessen in Lohn: 1. Grüppli Di Verpennte (Jung und Alt)
Fyrobigsschüsse Hochfelden: Tagessieger: Thomas Meier Kurt Büchi Peter Studer
1. Augustschiessen in Kloten: 3. Doris Rey Anlasssieger
Fyrobigsusflug
Än wunderschöne Obig händ mir üs usgsuecht für üses Fyrobigstüürli uf Ellikon is Restaurant Rhygarte! 🙂
Die eine sind mit äm E-Bike über Balm, Jestetten, Alteburg, Nohl, Dachse und Rheinau gflitzt, di Ältere äm Rhy no gwaggled und mit dä Fähri übersetzt und di Jüngschte mit äm Böötli agreist. 🙂
So guet hämers gha, dasmer chum meh hei händ welä…
Kantonaler Gruppenmeisterschaftsfinal JS in Wilchingen
Mit 40 Punkt Vorsprung händ üsi Jungschütze dä Gruppefinal gunne!
Dä Jérémie Bosshard und dä Nuri Rey händ über beidi Rundi Platz 1 und 2 gholt.
Üsi Jungschütze dörfed jetzt am 23. August a dä OJGM im Birch als Titelverteidiger atrete! 🙂 Juhui! 🙂
Do dä Link zu dä Ranglischte:
Kant. Gruppenmeisterschafts-Final JS
Kantonalmeisterschaften 2025
Am 20. und 21. Juni händ Kantonalmeisterschafte im Birch stattgfunde.
Am Fritigobig sind 2-Stelligsmatch gsi und am Samstigmorge die Liegende.
Mit 5 2-Stelligs-, 4 90-er, 7 57-er und eim Standardgwehrteilnehmer simer starch vertrete gsi!
Bereits am Fritig im 2-Stelligsmatch händ dä Thomas Meier und dä Michael Rey je ä Medaille gholt:
Dä Thomas Silber bi dä Ordonnanzgwehr, dä Michi Bronze i dä Kat. Sport. 🙂
Nodoppled händ diä beidä am Samstig dänn au liegend, wo beidi nomol zwei Match à je 60 Schuss gschosse händ:
Dä Thomas nomol Silber mit äm Stgw 90 und Gold mit äm Stgw 57-03. 🙂
Dä Michi Silber mit äm Standardgwehr. 🙂
Ganz herzlichi Gratulation Eui Beidä!!! Grossartig! 🙂 🙂 🙂
Do dä Link zu dä Ranglischte und äm Mediebricht:
Gewehr 2-Stellung
Gewehr Liegendmatch
Kantonale Veteranenmeisterschaft
Am Nomittag händ d Veterane dörfe atrete!
Üsen Ehrepräsi hät Vollgas gi und i dä 2. Passe 96 Punkt gschosse! 🙂 Herzlichi Gratulation zu däm Spitzeresultat!
Är hät gmeint d Schiebe seg alleg kaputt…
Do dä Link zu dä Ranglischte und äm Mediebricht: Veteranenmeisterschaft 2025
Gruppenmeisterschaft Kantonalfinal 2025
Mit äre Gruppe i dä Kat. E und zwei i dä Kat. D hämer dörfe am Gruppemeisterschaft Kantonalfinal im Birch starte.
I beidä Felder hämers uf dä 1. Rang gschafft. 🙂
Dä Jérémie Bosshard uf Platz 2 i dä Kat. E!
Und i dä Kat. D hämer so richtig abglieferet:
1. Michael Rey 2. Thomas Meier 3. Kurt Büchi
Do gohts zu dä detaillierte Resultat: GM Kantonalfinal 2025
Jetzt dörfemer i dä 1. schwizerische Heimrundi starte. 🙂 Mir gäbed alles, dasmer det witers chömed!!!
Feldschiessen 2025
Äs isch wieder äs Highlight is üsem Schützejohr gsi, s Fäldschüsse 2025.
78 Schütze händ teilgnu. Mit däre Teilnehmerzahl lieged mir im Schnitt vo dä letschtä Johr. 🙂
Au das Johr isch dä Daniel Würsten wieder unschlagbar gsi und hät mit 70 Punkt d Vereins- und d Kantonsranglischte agführt! Herzlichi Gratulation! 🙂 Unglaublich! Usserdem isch dä Dani 2. worde i dä Feldmeisterschaft (Resultat FS Pischtole und Gwehr)! 🙂
Veni, vidi, vici: Dä Silvio Marthaler hät mit äm «eifache» Stgw 90, ohni Ufrüschtig, Schüssbrülle, Schüssjacke und ohni eis Mol üebe eifach 69 Punkt troffe und isch uf äm 3. Rang glandet. Ganz herzlichi Gratulation! 🙂 Wänns passt, passts eifach… 🙂
Do gohts zu dä Ranglischte: Resultate 2025
Leider isch dä Nuri Rey das Johr dä einzig Jungschütz gsi, wo as Pischtole Fäldschüsse für d Jugend mitchu isch… Är hät guet troffe und dörfe dä bsundrigi, goldig Fäldschüssechranz als beschtä Jungschütz heini! Bravo! 🙂
Jetzt chömer üs scho wieder uf nöchscht Johr freue… 🙂
Fahnen- und Standartenweihschiessen
Äs wunderbars Fäscht händ mir mit Eui dörfe fiire, wo mir nid so schnäll vergässe wärdet! 🙂
Sooo viel schöni Begegnige, Gspröch und neui Bekanntschafte händ mir dörfe mache!
Viele herzliche Dank für Euiän Bsuech!!! 🙂
Fahnenstich:
1. Luca Girsberger Jg 2002 MSV Truttikon Stagw 99 / TF 100
2. Emanuel Gloor Jg 1968 SV Embrach-Lufingen Stagw 99 / TF 96
3. Ernst Freimüller Jg 1964 SV Humlikon-Adlikon FG 98 /TF 100
8. Walter Müller Jg 1958 SV Embrach-Lufingen 97 / TF 99 bester Schütze Kat. D
16. Beatrice Ramseyer Jg 1959 SG Bibern-Hofen 96 / TF 99 beste Schützin Kat. E
21. Jérémie Bosshard Jg 2005 SV Rüdlingen 96 / TF 97 bester JS U21
41. Selina Stalder Jg 2009 SG Bäretswil 95 beste JS U17
Standartenstich:
1. Myrta Bernhard Jg 1968 SG Bäretswil Stagw 390
2. Thomas Caviezel Jg 1989 SV Rothenbrunnen 57-03 387
3. Hansueli Sigrist Jg 1969 Schützen Rafzerfeld Stagw 384
Vereinsrangliste alle Kategorien:
1. SG Bäretswil Kat. 1 27 Teilnehmer 94.684
2. FSG Thayngen Kat. 2 17 Teilnehmer 93.798
3. Schützen Rafzerfeld Kat. 1 92.538
Vereinsrangliste grösste Beteiligung:
1. SV Teufen ZH 29 Teilnehmer
2. SG Bäretswil 27 Teilnehmer
3. Schützen Rafzerfeld 22 Teilnehmer
Herzlichi Gratulation üsne Gwünner!
Ranglisten Fahnen- und Standartenweihschiessen
Allerlei schöni Impressione:
Bereits sind d Fotene vo üsem Fotograf Beat Märki vo dä Fahne- und Standarteweihi unter folgendem Link online:
https://bilderhaus.ch/kundengalerien/kundengalerie-9/ Passwort: canardo
Vielen herzlichen Dank lieber Beat! Die Fotos sind soooo schön und wertvoll!
Unser Jungschützenleiter Marc Lüthi hat einen Bericht zur Fahnen- und Standartenweihe vom Sonntag 4. Mai geschrieben.
Bericht Fahnen- und Standartenweihe
Herzlichen Dank lieber Marc! 🙂
Deligiertenversammlung SHKSV in Buchthalen
Äm Thomas Meyer isch vo dä Deligierte d Ehre-Uszeichnig vom SHKSV für sini 30-jöhrigi Vorstandstätigkeit verliehe worde. 🙂
Dä Jérémie Bosshard isch dä bescht Jungschütz im Kanton worde und hät dörfe ä Uhr in Empfang ni. D Lilian Keller 2. Beschti und dä Nuri Rey 4.-tä.
Bi dä Juniore isch dä Cedric Hoch 4.-tä worde und dä Flynn Sutter 6.-tä. Alli händ äs Zinngobelet überchu.
Dä Jérémie, d Lili und dä Nuri sind usserdem Gwünner vo dä Uszeichnig vom SSV worde. Dä Pris erhaltet die beschte Jungschütze i dä Schwiiz.
Dä Steven Senn, Kreiskommandant kantonali Militärverwaltig, hät äm Nuri än neuwertige Karabiner als Uszeichnig für dä Feldmeister 2025 überreicht.
Herzlichi Gratulation!!! Mir sind schampar stolz uf Eui! 🙂
Ehrung Thomas Meyer
Dä Thomas Meyer hät noch 30 Johr Vorstandsarbeit als Schützenmeister, die letztä 10 Johr als Vizepräsi, sis Amt abgi. Mir händ immer uf ihn chöne zelä und händ ihn schampar gern gha als Vorstandsmitglied und Vereinskamerad.
Sis Gschänk, ä schön farbigi SV Rüedlinge Chueh, dörf vorerscht als «Maskottchen» a üsem Fahne- und Standarteweihschüsse däbi si, erscht dänn wird sie «in junge Eiche» zügle. 🙂
Selbstverständlich isch dä Thomas au mit grossem Applaus i dä ehrwürdigi Kreis vo dä Gigante ufgnu worde.
Mir händ au no äs aktuells Vorstandsfoti mit Chueh und Thomas gmacht. 🙂
Jungschützekurs 2025
Mir freued üs, das mir mit 6 Jungschütze und 3 Juniore i di neu Saison starte dörfed! 🙂
Falls äs Jugendlichi git, wo gern mol wetted bi üs verbiluege und Pulverluft schnuppere, gern!
Eifach vorher bim Jungschützleiter Marc Lüthi oder bi dä Präsidentin Doris Rey mälde.
Erfolgrichi Wintersaison
Au im Herbscht und Winter hämer amigs guet troffe! 🙂
Chürbis-Schüsse SG Wängi-Tuttwil: 2. Grüppli Iisvögel
Schlussmatch Matchschützen in Trüllikon: 1. Christian Manz Kat. D liegend mit 571 Punkt
Nachtschiessen Altdorf-Opfertshofen: 1. Grüppli Iisvögel 2. Grüppli Kormoran
Vancouvermatch (Fernschiessen): 1. Michael Rey Kat 57-03 mit 99 Punkt 32. Rang (vo 329 Verein) als Verein mit 95.274 Punkt
Berchtoldschiessen Thundorf: 1. Grüppli Iisvögel 3. Christian Manz Kat. D Jérémie Bosshard bester Jungschütze
Goldsiegelschiessen Gächlingen: 1. Grüppli Iisvögel 2. Peter Mäder im Mumpfelstich
Örliker Winterschiessen: 2. Grüppli Iisvögel
Kreiswinterschiessen Flaach: 1. Christian Manz im Vereinsstich 1. Doris Rey 2. Clemens Elsener 3. Christian Manz im Uszahler 🙂
Frühlingsschiessen Hohlenbaum : 1. Grüppli Iisvögel Jérémie Bosshard bester Jungschütze mit 143 Punkt
Wintergwaggel (als wärs scho Früehlig…)
Vom Bahnhof Rafz über dä Gnal uf dä Höhewäg simer bi schönschtem Sunneschii und fascht früehligshafte Temperature uf Wil is Häxehüseli zum Nachtässe gwanderet. Bi Mondschii wieder zrugg uf Rafz is Blue uf än Schlumi. Mol, guet gschlofe hämer dänn und träumt vo däm wunderschöne und luschtige Nomittag/Obig! 🙂
Schneetage in Vals
Mit äre nervechützelnde Carfahrt uf schneebedeckte und isige Strosse, händ mir üs üses Wuchenend in Vals zerscht müese härt verdiene…
Aber äs hät sich glohnt und mir sind wohlbehalte im schöne Vals achu. Mir händ gstuuned, wiä fit üsi Gigante (Eheremitglieder) sind und problemlos mit dä Jüngere zum Stausee Zerveila gwanderet sind. Gfreut hämer üs au über di günschtige Priise fürs Schibilett, über die wunderbare, fascht leere Pischte und dä Pulverschnee. Leider isch s Wätter au am Suntig nid ganz so wolkelos gsi, wiä vorgseh, aber natürli hämer üs wäg däm nid d Lune verderbe lu und viel Energie chöne tanke für di neu Schüsssaison. 🙂
2025
……………………………………………………………………………………………………………………………………………………………………………………………………………………………………………………………………………………………………………………………………………………………………………………………………………………….
2024
Endschiessen und Absenden
Üses Endschüsse am 19. Oktober isch wieder fescht bsuecht worde!
63 Schützinne und Schütze händ di verschiedene Stich gschosse, di feine Suppe und s gemütliche Zämäsi gnosse.
Mitti November, am Absende, sind die viele Prise verteilt und d Sieger gfiired worde.
Au d Gwünner vo dä Johresmeisterschafte sind krönt worde.
Di chli Johresmeisterschaft, zu däre 4 Schüsse zelled (FS, OP und zwei Heimstich), hät dä Jon Rey gunne. 🙂
2. Rang Ian Rey 3. Rang Christian Waldvogel
Di gross Johresmeisterschaft isch, mit ämne hervorragende Durchschnitt vo 95.304 Punkt, an Daniel Würsten gange. 🙂
2. Rang Christian Manz 3. Rang Michael Rey
D Ranglischte sind online. 😉
Matchfondfinal in Wilchingen
S erst Mol händ sich dä Thomas Meier und d Doris Rey für dä Matchfondfinal i dä Kat. D chöne qualifiziere.
Noch äme spannende Shoot-out isch dä Thomas 2.-te worde! Herzlichi Gratulation! 🙂
Bündnertour
Mir sind mit zwei Grüppli uf Bündnertour gange im Oktober. Druf brocht hät üs dä Jürg, mir händ ihn welä i sim neue Verein Rothebrunne bsueche. Zerscht simer aber as Beizlischüsse uf Peist-Arosa, womer scho mol rächt verhöckled sind, wills so schön gsi isch und mir so guet troffe händ! 🙂 Mir händs dänn aber glich no as Fledermuusnachtschüsse uf Crappa Naira gschafft. Di churzi Nacht hämer im Hotel Weiss Kreuz in Thusis verbrocht und nocheme feinä Zmorgebuffet simer det as Viamala Schüsse und zum Zmittagässe dänn zum Jürg as Juvault-Schüsse. Uf äm Heiwäg häts dänn sogar no uf Bäretswil as Guyer-Zeller Schüsse glanged. 🙂 Diä zwei Täg händ üs so schampar guet gfalle, das mir das nöchscht Johr grad fix is Programm ufni wärdet. 🙂
Und erfolgrich simer also au gsi! 🙂
Beizlischüsse Peist-Arosa: 1. s Grüppli Iisvögel und dä Michael Rey Fäschtsieger Kat D 🙂
Flädermuusnachtschüsse Crappa Naira: 3. Doris Rey 🙂
Juvaultschüsse Rothenbrunnen: 2. s Grüüpli Iisvögel und dä Guido Berger Fäschtsieger Kat D 🙂
Guyer-Zellerschüsse in Bäretswil: 2. Guido Berger Kat D 🙂
Viele Erfolge an verschiedenen Anlässen in der Sommersaison
Mir wänds nid verpasse, all di super Resultat und Erfolge, wo üsi Schütze i dä Summersaison erreicht händ, churz ufzlischte!
Kreissummerschüsse in Henggart: 1. mit äm Verein 🙂 1. Guido Berger im Vereinsstich 🙂 3. Peter Nägeli im Uszahler 🙂
# Häschtäg (Hämädaler Schützä Täg): 1. mit äm Verein 🙂 1. Grüppli Iisvögel 🙂 3. Daniel Würsten , 5. Christian Manz mit je 96 Punkt im Vereinsstich 🙂
Reiat Wanderbecherschüsse in Thayngen: 1. Grüppli Iisvögel 🙂
Irchelschiessen in Henggart: 1. Nuri Rey im Vereinsstich (und das als Jungschütz mit äm Stgw 90!!! ;-)) 🙂 🙂 🙂
Scheibenwall in Basadinge: 3. Jérémie Bosshard im Vereinsstich bi dä JS 🙂
Jubiläumsschiessen Truttikon: 1. Guido Berger im Vereinsstich Kat D 🙂
Schiterbergschüsse in Andelfinge: 1. Grüppli Iisvögel 🙂 4. Christian Manz im Vereinsstich 🙂 3. Christian Manz im Gruppestich 🙂
Verbandschiessen unter der Enge in Hallau : 2. Doris Rey im Vereinsstich 🙂 2. Christian Manz im Uszahler 🙂
Karabinerstich am Endschüsse in Rudolfinge : 2. Michael Rey 🙂 3. Clemens Elsener 🙂
Hoffentli hämer nüt vergässe…?!
Kant. Einzelmeisterschaft JJ/JS in Buchthalen
Drü JJ und zwei JS händ dörfe a dä Kant. Einzelmeisterschaft in Buechthale teilni. Mit äm Shoot out am Schluss isch äs wieder meeega spannend gsi!
Aber sie händs gschafft, gaaanz cool z bliebe!
Dä Cedi hät bi dä JJ gunne und dä Nuri bi dä JS! 🙂 🙂 🙂 Dä Nuri isch au no Tagessieger worde. 🙂
Kantonalcupfinal in Thayngen
Dä Jérémie und dä Nuri händ d Ehr vom SV grettet!
Dä Jérémie isch 3. worde i dä Kat. Übrige und i dä Kat. U21 isch dä Jérémie 1. und dä Nuri 2. worde. 🙂 Bravo!
Schweizer Gruppenmeisterschaften in Emmen
Au am Schwizerfinal in Emmen händs ä solidi Leischtig zeiged, üsi Jungschütze! Klar, sinds chli enttüscht gsi, will uf s Podescht nur 3 Pünkt gfählt hetted…
Aber trotzdem, dä 7.ti Rang isch also au meeegacool! 🙂 Ihr sind eifach grossartig!!! 🙂
Am Nomittag hät dänn no s Grüppli U21/E+ dörfe starte. Sie händ sich als 3. für dä Final qualifiziert!
Au sie händ ä solidi Leischtig zeiged und s uf dä 12.ti Platz gschafft. 🙂 Bravo! 🙂
Gewinner der Ostschweizer Gruppenmeisterschaft in Chur
Üsi Jungschütze sind Gwünner vo dä OJGM in Chur worde!!! 🙂
Nochdem sie letscht Johr 2-te worde sind, händs nomol eis druf gleit und das Johr sogar gunne!!!
Mir sind unglaublich stolz und freued üs riesig!!! 🙂 🙂 🙂
Am 21. September dörfets am Schwizer Gruppemeisterschaftsfinal in Emmen teilni! 🙂
Uf jedä Fall werdets det nomol alles gi. 🙂
Äs isch no än prominente Ilanzer cho fane chu! 🙂 🙂 🙂
Eidgenössisches Schützenfest der Veteranen in Langenthal
Lueged mol diä schöne Chränz, wo üsi vier Veterane händ dörfe heini! 🙂 Herzlichi Gratulation! 🙂
Gewinner Wettschiessen JS und JJ Reiat / Stadt / Stein am Rhein in Lohn
I beidä Kategorie händ üsi Jungschütze dörfe dä Wanderpriis heini! 🙂 Bravo!!! 🙂
200 Jahre SSV: Jubiläumsfest in Aarau
Am Samstig händ dä Michi, dä Guido und dä Peter dörfe am Final vom Jubiläumswettkampf mitmache. 🙂
Üsen stolze Fähnrich Peter, d LIli als Ehredame vom SHKSV und ich händ dörfe am Suntig am grosse Umzug teilni. Eifach suuuuper isch äs gsi das grosse Jubiläumsfäscht. 🙂
48. Zürcher Unterländer Wyberschüsse
Äs isch eifach än wunderbare Alass gsi und mir händ soooo Freud, das mir gaaanz viel Bsuecher händ dörfe begrüesse und bewirte und s Wätter so guet mitgmacht hät! 🙂
165 Schützinne händ a dä 3 Täg gschosse. 65 i dä Kat. A, 100 i dä Kat. B.
Äs hät zwei spannendi Usstich gi. I dä Kat A händ 5 Schützinne s Maximum vo 30 Punkt gschosse, i dä Kat. B 4.
Kategorie A
1. Rang Barbara Kottler (SV Höri)
2. Rang Laurence Strebel (SV Bachs-Neerach)
3. Rang Doris Rey (SV Rüdlingen)
Kategorie B
1. Rang Monika Meier (SV Rüdlingen)
2. Rang Elsbeth Albrecht (SV Hochfelden)
3. Rang Martina Steffen (SV Dänikon-Hüttikon)
Äs händ 26 Grüppli teilgnu:
1. Rang Höri-Ladys (SV Höri)
2. Rang Rhyjümpferli 1 (SV Rüdlingen)
3. Rang Altberg-Käferli (SV Dänikon-Hüttikon)
Das isch dä Link zu dä Fotene, wo üsen liebä Fotograf Beat Märki (www.bilderhaus.ch) gmacht hät:
Bilder Fotograf Beat Märki Passwort: isnogud
Bericht Wyberschüsse 2024 von Peter Steiger SHKSV
Link zu Website ZH-Unterländer Wyberschiessen
Vielen herzlichen Dank unseren Sponsoren, für die grosszügige Unterstützung!!!
Thomas Meyer, Weinbau, Rüdlingen
Gupfe Garage GmbH, Buchberg
Schreinerei Manz, Rüdlingen
Tappolet GmbH, Rüdlingen
Baumwerker GmbH, Rüdlingen
SchmiedeRey, Rüdlingen
Sonnhalde Ranch, Buchberg
Beck Schneider, Flaach
Felix Meli AG, Höri
Gehring GmbH, Rafz
Restaurant Sternen , Rüdlingen
Restaurant Stube, Rüdlingen
Sehstern Optik, Niederglatt
Hauenstein AG, Rafz
Landi Züri Unterland, Höri
Brauerei Falken AG, Schaffhausen
GVS Schachenmann AG, Schaffhausen
Trybol AG, Neuhausen
Kantonalmeisterschaften 2024 im Birch
Dä Jérémie isch Kantonalmeischter worde mit äm 90-er liegend! 🙂
D Doris 2.-te i dä Kat. 57-03. 🙂
Und dä Guido «theoretisch» 1.-te im 2-stelligs Match Ordonnanz. Theoretisch, will er als B-Mitglied usser Konkurrenz gschosse hät.
Link zu Ranglisten und Fotos SHKSV
Kantonaler Gruppenmeisterschaftsfinal JJ und JS in Merishausen
Üsi Grüppli JJ (U15) und JS (U21) händ sich, noch zwei Heimrunde, für dä kantonali Gruppemeisterschaftsfinal in Merishuuse chöne qualifiziere.
Beidi Gruppe sind 1.-te worde und dörfed im August a dä OJGM (Ostschwizergruppemeisterschaft) in Chur teilni. 🙂
Dä Cedric bi dä JJ und dä Nuri bi dä JS händ usserdem dörfe dä Tagessieg fiire.
🙂 Mir sind so stolz uf Eui! Das händ Ihr eifach suuuper gmacht! 🙂
Südbündner Kantonalschützenfest 2024
Mir händ das Johr am 26. Südbünder Kantonalschützefäscht teilgnu. Üsi Reis hät üs is wunderschöne Puschlav gführt.
Übernachted händ mir in Poschiavo und gschosse in San Carlo.
Üsi 22 Schütze händ insgesamt 94 Chränz und 8 Meisterschaftsmedaille gschosse. 🙂
Mitäme Total vo 93.432 Punkt sind mir 38.-igste vo 341 Vereine worde. 🙂
Resultatportal KSFGR 24
Resultate SV Rüdlingen
🙂 Au d Fraue, wo nid schüssed und mitchu sind, händs, trotz äm garstige Wätter am Samstig, sehr gnosse. 🙂
Standerneuerungsschiessen Buchthalen
1. Rang mit dem Verein (alle Kategorien) 🙂
Grüppli Jung und Alt:
1. Rang Iisvögel 🙂
2. Rang Wikinger 🙂
4. Rang Drey 🙂
5. Rang Kormoran 🙂
3. Rang für dä Guido Berger mit 98 Punkt! 🙂
Und dä Erik Keller isch 1.-te i dä Kat. U21 worde! 🙂
Richtig abgruumed hämer… 🙂
Ranglisten Standerneuerungsschiessen
32. Kantonale Veteranenmeisterschaft im Birch
Am Nomittag vom GM Final händ dänn grad üsi Veterane dörfe witermache!
Und wiä!!! 🙂 I dä Kat. D sind dä Kurt Büchi und dä Peter Mäder uf Platz 1 und 2 glandet! 🙂
Herzliche Glückwunsch zu däne Spitzeresultat!
Ranglisten und Bericht Kantonale Veteranenmeisterschaft 2024
Kantonaler Gruppenmeisterschaftsfinal im Birch
Mit drü Gruppe hämer dörfe starte! Zwei Gruppe i dä Kat. D und ei Gruppe Kat E.
I beidä Kategorie simer 2-te worde und dörfed jetzt a dä 1. schwizerische Heimrundi teilni! 🙂
D Freud isch gross! 🙂 Mir gäbed alles zum Witerchu!!! Aber mir wüssed natürli, d Konkurrenz wett das au…
Feldschiessen
Bereits ischs wieder Vergangeheit, s gröschte Schützefäscht vo dä Schwiiz, wo au mir jedes Johr bi üs im Stand durefüehred.
Äs isch seeehr guet gschosse worde und üsi Schütze sind au uf dä Kantonsranglischte z vorderscht däbi!
Dä Daniel Würsten hät nur ein Verluschtpunkt z verzeichne gha und mit 71 Punkt souverän gunne! 🙂
Mit 70 Punkt sind ihm grad zwei Jungschütze nöch chu, dä Nuri Rey und dä Jérémie Bosshard, aber au dä Michael Rey. 🙂
Dä Dani isch usserdem Kantonale Fäldmeischter (Resultat FS Gwehr und Pischtole zämäzellt) worde! 🙂
Bericht SSV
Mit üsere Jungmannschaft hämer au am Pischtole Feldschüsse für JJ und JS im Birch z Schaffhause teilgnu.
Dä Remo Busenhart hät bi dä JJ gunne und dä selteni, goldig Chranz dörfe heini! 🙂 Und dä Nuri isch bi dä Jungschütze 2.-te worde. 🙂
Allne Herzlichi Gratulation!
Schön sinder däbi gsi! 🙂 🙂 🙂
Rangliste Feldschiessen Rüdlingen
Ranglisten Feldschiessen SHKSV
52. Weinländer Sturmgewehrschiessen der Cholfirst Schützen
1. Rang für d Iisvögel vo 65 vollzählige Grüppli i dä Kat. D. 🙂
7. Rang für d Buntspechte i dä Kat. E. 🙂
Resultate Weinländer Stgw–Schiessen
Wettkämpfe in Wilchingen, Hallau und Beggingen
Bereits hämer di erschte 3 Schüsse, wo zur Johresmeischterschaft zelled, gmeischteret.
S Blauburgunderschüsse in Wilchinge, S Schwobeerinnerigsschüsse in Hallau und s Zigüünerschüsse in Begginge.
In Wilchinge isch dä Ian Rey 1. i dä Kat. U17 und s Grüppli Iisvögel 3. worde. 🙂
In Hallau simer mit äm Verein 2. worde, mit ämne suuuper Vereinsresultat vo 96.302. I dä Kat. 2 sogar 1. 🙂
In Begginge 3. mit äm Verein (alli Kategorie).
Resultate sh-schiessen.ch
Deligiertenversammlung SHKSV in Buchberg
Am Samstig 23. März händ mir d DV vom SHKSV i dä MZH Buechberg dörfe organisiere.
Grad einigi vo üsne Schütze sind au geehrt worde, üsi beidä hübsche Ehredame Lilian und Natascha Keller händs streng gha!
Vier Mitglieder für ihri viele Johr im Vorstand:
Thomas Meyer, 29 Johr, Vize-Präsident und Schützemeischter (no im Amt) 🙂
Silvio Marthaler, 26 Johr, Kassier (Ehrenmitglied) 🙂
Fritz Streuli, 21 Johr, Schützemeischter (Ehrenmitglied) 🙂
Daniel Würsten, 16 Johr, Aktuar und Schützemeischter (no im Amt) 🙂
Dä Peter Nägeli hät di 4. und di 5. Feldmeischterschaftsuszeichnig dörfe in Empfang ni. 🙂
Üsi Jungschütze hämer au dörfe fiire:
Erik Keller, 1. Rang JS Kanton SH und Auszeichnung SSV 🙂
Jérémie Bosshard, 2. Rang JS Kanton SH 🙂
Cédrik Hoch, 1. Rang JJ Kanton SH 🙂
Ian Rey, 2. Rang JJ Kanton SH 🙂
Bezirkswinterschiessen in Ossingen
2. Rang für Michael Rey und bestä Schütz Kat. D 🙂
Ranglisten Bezirkswinterschiessen BSVA
Begrüssung Vereinsfahne und Standarte im Schützenhaus
Am Zischtig 12. März händ mir üsi wunderschön Standarte und dä neu Vereinsfahne bi dä Heimgartner Fahne AG in WiI/SG dörfe in Empfang ni.
Nochere interessante Füehrig dur dä Betrieb, händ mir d Details, wo diä Künstlerinne vollbrocht händ, erscht rächt bewunderet und bestuunet. Jetzt isch üs au klar, wieso si so viel Batze wänd vo üs… Äs isch alles Handarbeit! 🙂
Z Obig händ üsi Mitglieder dä Imarsch mit üsne beidä Fähnriche René und Peter gfiired.
D Begrüessig hät eim grad berührt, isch richtig fiirlich gsi!
Ä offizielli Fahneweih gits dänn erscht imä Johr.
Am 25./26. April und 1./2./3. Mai 2025 händ mir äs Fahne- und Standarteweihschüsse planed. 🙂
Schneetag in Laax
Königswätter hämer gha in Laax! 🙂
D Bodetruppe isch verwöhnt worde vom Jürg und d Skifahrer & d Snöber händs gnosse uf dä wiitläufige Pischte. 🙂
Isch s 10-i gsi, äs guets 10-i!!! 🙂 🙂 🙂
Goldsiegelschiessen in Gächlingen
1. und 2. simer worde mit üsne Grüppli Iisvögel und Kormoran i dä Kat. D 🙂 🙂 🙂
2. Rang für Guido Berger i dä Einzelranglischte 🙂
EIFACH DI BESCHTÄ!!! 🙂 🙂 🙂
So fangt s Johr guet a.
Ranglisten Goldsiegelschiessen
2024
……………………………………………………………………………………………………………………………………………………………………………………………………………………………………………………………………………………………………………………………………………………………………………………………………………………….
2023
Abschied von Lorenz Meier
Mir sind truurig, das dä Lorenz Meier üs am 13. Dezember 2023 für immer verlu hät, aber au froh, das är jetzt vo sinä Schmerze und sim lange Kampf erlöst isch.
Är hät ganz viel Spure hinterlu, mir händ sooo viel dörfe lerne vo ihm. Mir wärdet ihn immer in Erinnerig bhalte und immer wieder a ihn dänke.
Viele, viele herzliche Dank für alles, liebä Lou!!! 🙂 Dini Schützefamilie
Fahnen- und Standartensponsoring
Liebe Mitglieder, Freunde, Schützen, Sponsoren und Gönner
Schon seit einiger Zeit ist der Wunsch nach einer Standarte in unseren Köpfen.
Nun haben wir diesen Frühling eine Standartenkommission gegründet und uns an die Arbeit gemacht, diesen Traum wahr werden zu lassen! Da wir unseren Vereinsfahnen beim Schützenhausbrand 2013 verloren haben, liessen wir auch dafür eine Offerte erstellen. Die Standarte soll in edlem Damast und der Fahnen einfacher und günstiger, aber ebenfalls wertig, genäht werden.
Das Sujet bleibt noch geheim, wird aber wunderschön! Versprochen! 😊
An einer ausserordentlichen Vereinsversammlung am 7. Oktober 2023 wurde die Beschaffung eines Vereinsfahnen und einer Standarte bei der Firma Heimgartner Fahnen aus Wil/SG einstimmig von jung und älter angenommen. 😊
Mit der Abstimmung ist es jedoch noch nicht getan…
Nun müssen wir auf Geldsuche gehen!
Ganz herzlich möchten wir Euch bitten, uns mit einem Beitrag zu unterstützen.
Jeder Batzen zählt!
Für Beträge ab CHF 200.- erhaltet Ihr ein Goodie, einen Autowimpel mit dem Sujet unseres Fahnen. Es lohnt sich also, etwas tiefer in die Tasche zu greifen… 😉
Selbstverständlich werden wir auch ein Sponsorenplakat erstellen.
Vielen lieben Dank bereits im Voraus für Eure wertvolle Hilfe!!!
Schreiben Fahnen- und Standartensponsoring
Einzahlungsschein Spende Fahnen und Standarte
Chlausschüsse in Merishuuse
Und mol, am Suntig simer trotzdem früe use und uf Merishuse zu dä Chläus!
Äs hät sich glohnt! 3. Rang fürs Grüppli Kormoran 🙂
Ranglisten Chlausschiessen 2023
Wintergwaggel is Gwaageland übere
Richtig fein (asiatisch) gässe hämer im Calamansi in Flaach. Und nochher simer natürli au wieder heigwagglet dur dä Schnee! 🙂
Schööön ischs gsi! 🙂
Absenden Endschiessen und Jahresmeisterschaften 2023
Unsere Gewinner vom Endschiessen und den Jahresmeisterschaften 2023
Resultate Endschiessen
Resultate 2023
Nachtschiessen Altdorf-Opfertshofen
2. Rang Gruppe Isvögel 🙂
5. Rang Gruppe Kormoran 🙂
Ranglisten Nachtschiessen
OMM Final Nachwuchs Schiessanlage Luckhausen in Illnau/Effretikon
Zwei unserer Jungschützen, Erik und Jérémie, durften mit drei anderen Jungschützen aus dem Kanton Schaffhausen am OMM Final teilnehmen! Das Schaffhauser Grüppli konnte im Final gar noch einen Platz wett machen und wurde Vierte.
Erik erreichte das 3. beste Resultat aller Jungschützen. 🙂 Es war eine Ehre von Pascal Herren gecoacht zu werden. 🙂
OMM 2023 (Infos Ranglisten Fotos)
Kantonale Einzelmeisterschaft JS/JJ in Hallau
1. Rang für dä Nuri bi dä JS 🙂
2. Rang für dä Ian bi dä JJ 🙂
Usserdem isch dä Nuri Tagessieger worde und hät dörfe diä schön Uhr heini. 🙂
Üsi Jungs händ Nerve zeiged a dä zwei meeegaspannende Shootout Final!
Final Schweizer Gruppenmeisterschaft Jungschützen in Emmen
Au wänns nid ganz so hät welä, wiä Ihr das Eui gwünscht hetted, mir sind meeegastolz uf Eui, das Ihrs mit somne guete Resultat a dä OJGM a d Schwizermeisterschaft uf Emme gschafft händ! 🙂 🙂 🙂
Ihr sind eifach äs cools Grüppli!!!
Final Kantonalcup in Thayngen
Kat. Übrige:
1. Rang Lorenz Meier 🙂
Kat. 57-03:
2. Rang Dani Würsten 🙂
3. Rang Michael Rey 🙂
Kat. U21:
1. Rang Nuri Rey 🙂
3. Rang Erik Keller 🙂
Herzlichi Gratulation allne Teilnehmer!!! 🙂 🙂 🙂
Schiterbergschiessen Andelfingen
1. Rang Gruppe Isvögel 🙂
2. Rang Gruppe Kormoran 🙂
2. Rang mit äm Verein 🙂
Ranglisten Schiterbergschiessen
Verbandsschiessen unter der Enge in Neunkirch
3. Rang für üses Grüppli (jung & alt) Drey 🙂
Rangliste Verbandsschiessen unter der Enge
Schweizer Gruppenmeisterschaftsfinal in Winterthur
Was für ä Freud isch das gsi, das üses 57-er Grüppli a däm grosse Final in Winterthur im Ohrbüel hät dörfe teilni! 🙂
Äs cools Erlebnis!
Natürli isch dänn im erschte Moment au chli ä Enttüschig do gsi, wo sie i dä 1. Rundi usgschiede sind… Bis mir gmerkt händ, was für Spitzeschütze am Schüsse sind! Und mir zmitzt drin! 🙂
Und hey, mir probiereds wieder! Jetzt hämer gseh wiäs lauft und Luscht uf meh überchu!!!
Und stolz simer einäwäg uf Eui, das ihrs sooo wiit gschafft händ, unter di beschtä Schütze us dä ganze Schwiiz und i dä erschtä Hauptrundi sogar mit äm bestä Resultat vo allne Gruppe! 715 Punkt!!!
Herzlichi Gratulation!!! 🙂
Standerneuerungs- und Irchelschiessen Irchelschützen
1. Rang mit äm Verein bim Standstich 🙂
1. Rang mit äm Verein bim Irchelstich 🙂
3. Rang Festsiegerkonkurrenz Guido Berger 🙂
4. Rang Festsiegerkonkurrenz Christian Manz (mit dä glichä Punktzahl wiä dä Guido) 😉
Rangliste Irchelschützen
Standerneuerungsschiessen Hohlenbaum
1. Rang für üses Grüppli (jung & alt) Rüedlinge 1 🙂
3. Rang mit äm Verein 🙂
Ranglisten Standerneuerungsschiessen Hohlenbaum
Ostschweizer Jugend-Gruppenmeisterschaft 2023
Üsi Jungschützegrüppli U21 und U15 händ sich für d OJGM in Breitfeld resp. Waldstatt qualifiziert gha und dörfe mitmache. 🙂
D Jungschütze U21, wo im Breitfeld gschosse händ, sind 2. worde! 🙂 🙂 🙂 Bravo!!!
Rangliste JS U21: OJGM-2023_F-RL_U21
Aber au üsi Jugendliche in Waldstatt händs guet gmacht! Leider häts nid ganz glanget für dä Schwizer Final in Emmen…
Rangliste JJ U15: OJGM-2023_F-RL_U15
47. Zürcher Unterländer Wyberschiessen in Rüdlingen
145 Schützinne händ üs a drü Tag bsuecht und natürli au gschosse! S Wätter hät guet mitgmacht und äs isch än glungene Alass worde! 🙂
Mir freued üs, das mir im 2024 (5. Juli, 9./10. August) zum 48. Zürcher Unterländer Wyberschüsse ilade dörfed! 🙂 🙂 🙂
Flyer Wyberschiessen 2024
Dä Fotograf Beat Märki us Winterthur hät am Samstig gaaanz viel Föteli gmacht! Ihr dörfed diä gern gu aluege und abelade uf sinere Homepage unter folgendem Link: https://bilderhaus.ch/kundengalerien/kundengalerie-7/ und mit däm Passwort: isnogud
🙂 Viele herzliche Dank liebä Beat! 🙂
Siegerinnen:
Kat. A Monika Zemp (SV Dänikon-Hüttikon)
Kat. B Heidi Eberle (SG Weiach)
Siegergruppen:
3. Altberg-Käferli (SV Dänikon-Hüttikon) 1. Hochfelden 1 (SV Hochfelden) 2. Flintehäxe (Schützen Rafzerfeld)
Jungschützen Wettschiessen in Altdorf SH
Üsi Jungschütze und Jugendliche sind i beidä Kategorie 2. worde! 🙂
Gesamtrangliste-Wettschiessen-Reiat-2023
